跟住會點行
01通知我們講低日期同大概情況就夠，文件之後補。
02我們整理文件核對保唔保、缺咩文件、使唔使報警或呈報勞工處。
03遞交承保公司部分產品設代辦入口，我們可以代你交。
04承保公司審核賠唔賠、賠幾多由承保公司決定。我們幫你追。
05收賠款承保公司直接過數畀受保人，唔經我們戶口。
我們幫到你咩，幫唔到你咩
Looper 係持牌保險代理（GA1034），唔係承保公司。
我們做得到
- 核對你張保單嘅保障範圍
- 話你知要備咩文件、幾時要交
- 代你填同代你遞交索償表格
- 跟進進度，需要時代你催
- 賠償金額有爭議時代你同承保公司交涉
我們做唔到
- 決定賠唔賠、賠幾多
- 保證任何索償一定獲賠
- 代替承保公司出賠款
- 提供法律意見
呢啲由承保公司按保單條款處理；公證行亦由承保公司委任。
索償常見問題
睇情況。海外緊急醫療、家居緊急維修（水電鎖匠）、汽車拋錨拖車、內地事故呢幾類要即刻打承保公司嘅 24 小時支援熱線，由佢哋直接調度，經中介轉一手只會慢咗。其餘所有情況，通知我們就得，我們幫你整理文件同遞交。
由承保公司批。Looper 係香港保險業監管局持牌保險代理（GA1034），唔係承保公司。我們做嘅係核對保障範圍、備齊文件、代填代交、追進度，以及賠償有爭議時代你交涉。賠唔賠、賠幾多、幾時出錢，全部由承保公司按保單條款決定。
有，而且每張保單唔同。同業做法由 7 日到 30 日都有：汽車保險普遍最短，通常事故後即刻通知、7 日內交齊文件；家居、旅遊、水險多數落喺 30 日左右。遲報未必自動失去索償權，但承保公司可以因為延遲通知而影響處理，所以唔好等。確實日數以你張保單條款為準。
可以，而且建議咁做。先通知我們事故日期同大概情況，我們會核對你張保單，再逐項話你知仲差咩、點樣補。等齊晒文件先報，好容易撞正死線。
唔會。承保公司直接過數畀受保人，部分產品可用轉數快。賠款唔會經 Looper 戶口。