私家車保險索償
碰撞、擋風玻璃、盜竊、第三者索償，同埋你冇錯嘅時候點追返對方。
承保公司：蘇黎世保險 · AXA
有人受傷或者死亡，一定要報警同叫救護車。
拋錨、拖車、道路支援。車輛被竊或因意外超過 48 小時無法行駛，打呢條熱線安排租車；只限受保人或者保單記名司機揸，架車修好即停。未經蘇黎世同意自己租，唔會賠。租車費用限額同細則以你張保單條款為準。
喺事發現場
有人受傷就叫救護車先。落車，去安全地方
特別係有人受傷或者死亡
唔好主動提賠償，對方提都唔好應承
兩車位置、損毀、車牌、路面。保留行車記錄片段
司機姓名、電話、地址、車牌、車主、保險公司同保單號碼
即係我哋。等警方到場畀指引先駛走架車
事發之後
兩間條款都寫「立即」通知。AXA 要 7 日內交齊表格同所有文件；蘇黎世係 7 日內通知，文件跟住盡快交。可以自己通知，或者交畀我哋最遲下一個工作天幫你轉交，承保公司收到先計數
報價要先畀承保公司，佢哋會安排公證行驗車，驗完先批
法院、警方通知、第三者律師信，全部唔好自己覆
有就交副本；警方冇要求做，就書面講明
- ·未得承保公司書面同意，唔好向第三者提出或接受任何賠償建議，會違反保單條款
- ·私下同對方和解、拒絕酒精測試、無牌或者牌過期揸車、架車攞嚟做商業用途（例如 Uber）、酒後或者藥後駕駛、遲咗申報：呢啲情況承保公司可以唔受理
死線
跟最早嗰個做，就邊個時限都唔會錯過。
兩間都係 7 日，但計法唔同：AXA 要交齊文件，蘇黎世只要通知。跟 AXA 嗰個做，兩邊都穩陣。
索償類別同文件
非保單指定司機、25 歲以下、新牌未夠兩年，都有各自嘅自負額，會累積計。
- 汽車意外索償表格
- 駕駛者簽署嘅同意書（蘇黎世要郵寄正本）
- 駕駛者身份證同駕駛執照副本
- 車輛登記文件副本（正反面）
- 警方報案編號或口供紙
- 現場同損毀彩色相片
- 蘇黎世：去「蘇黎世汽車網絡」維修站可以免找數（只適用綜合保險）
- 維修站會核實：保單號碼、車輛登記文件、身份證、駕駛執照
- 超出保單限額嘅維修費自己付
- 車輛維修報價（未批准唔好修）
- 證明駕駛者超過兩年駕駛經驗（唔係指定司機就要）
- 酒精呼氣測試報告副本（有就附）
- 行車記錄片段（有就附）
- 購車合約或發票（AXA 保單，適用嘅話先要）
承保公司批咗之後會發開工紙畀車房。攞車嗰陣簽滿意紙，畀自負額同折舊費，餘數由承保公司直接畀車房。
- 第三者車輛司機姓名、電話
- 第三者保險公司資料
- 第三者提出嘅索償、傳票、通訊副本
- 警方檔案編號同擬控告通知書副本（有就附）
承保公司收到你畀嘅自負額之後，會同第三者傾。和解咗之後，由承保公司畀錢第三者。
- 警察口供紙
- 已簽署嘅授權書
- 自負額正式收據
蘇黎世要等警方放咗對方資料、法庭定咗罪先開始追，可能要成 1 至 2 年。索償總額超過 HK$75,000 由律師追討，HK$75,000 以下就經小額錢債審裁處。追到之後，會按比例開支票退返你已經畀咗嘅自負額。
未齊都可以先通知。缺咩、點補，我哋逐項話你知。承保公司有需要，可以再叫你補文件。
自己交
呢啲係承保公司官方入口，你自己交得。唔想自己搞，就睇下一段。
可以用轉數快收賠款（要先綁定收款戶口）。網絡車房維修免找數，係附加保障，一般只適用綜合保險，實際以你張單版本為準。
- motor.claims@axa.com.hk表格 C-CF-MA-2511 + 授權書 M-CF-LA-2511
- Emma by AXA app私家車只可以上傳填妥嘅表格
- (852) 2523 3061
收齊文件之後 7 個工作天處理。唔同意賠償決定，可以由通知書日期起計 90 日內上訴。
我哋幫你分清邊間、邊個時限、缺咩文件，協助你填表、遞交、追進度。賠償由承保公司審批同支付，唔經我哋戶口。
WhatsApp 通知我哋 →或者電郵 claims@looperin.com · 打電話 2633 6813
常見問題
備註
本頁資料只供一般參考。實際保障範圍、呈報時限及不保事項，一律以你嘅保單條款及附表為準。如條款與本頁有任何差異，以保單為準。
索償是否受保、賠償金額及支付安排，由承保公司按保單條款決定。Looper Insurance Agency Limited 智環保險代理有限公司為香港保險業監管局持牌保險代理（牌照號碼 GA1034），提供索償協助服務。
← 睇其他險種嘅索償指引