家傭保險索償
家傭住院、門診、工傷。工傷有法定呈報責任，唔係通知咗保險公司就當做咗。
承保公司：蘇黎世保險 · AXA
只支援保單持有人，即係要僱主打，家傭本人打唔到。
喺事發現場
每張病假紙、每張收據都留低
時間、地點、做緊咩、有冇人見到
事發之後
法定責任，一式兩份交勞工處；另外交文件副本畀承保公司
醫療類直接經 e索償交；工傷要分兩條路交（勞工處同承保公司），我哋幫你分清楚。交畀我哋就最遲下一個工作天幫你轉交，承保公司收到先計數
補償金額由法定機制決定
- ·唔好簽任何免除或減低僱主法定補償責任嘅協議，第 282 章 s.31 訂明一律無效。病假 3 日或以下直接支付、4 至 7 日可以按條例自行協議，呢兩類係條例本身容許嘅。
- ·AXA：門診收據背面唔好漏寫保單號碼同受保人姓名
死線
跟最早嗰個做，就邊個時限都唔會錯過。
索償類別同文件
蘇黎世：索償金額低過 HK$20,000，正本收據只係理賠員要求先要交。
- 入院紙同出院總結（公立）或主診醫生報告（私家）
- 醫療、手術費用收據，寫明病人姓名、日期、診斷
- 專科、麻醉師、物理治療師收據
- 轉介信（有做化驗、X 光或者睇專科就要）
- 醫生或牙醫蓋章簽名嘅收據，寫明日期、病人姓名、診斷或治療類型
- AXA：收據背面寫保單號碼同受保人姓名
- 轉介信（有做化驗、X 光就要）
未齊都可以先通知。缺咩、點補，我哋逐項話你知。承保公司有需要，可以再叫你補文件。
自己交
呢啲係承保公司官方入口，你自己交得。唔想自己搞，就睇下一段。
收到申請之後，一個工作天內確認。可以用轉數快收賠款。
- ec.claims@axa.com.hk家傭保險用嘅係僱員補償信箱，唔係家居信箱，好易寄錯。表格 C-CF-SDP-2511
- Emma by AXA app只有門診可以喺 app 入面填，其他要上傳表格
- (852) 2523 3061
收齊文件之後 7 個工作天處理。唔同意賠償決定，可以由通知書日期起計 90 日內上訴。
- 下載表格 2（病假超過 3 日或死亡）
- 下載表格 2B（病假唔多過 3 日）
- 下載表格 2A（職業病）全部係勞工處官方中文版，一式兩份交勞工處。呈報係僱主自己嘅法定責任。英文版：撳上面「工傷（僱員補償）」嗰類嘅 EN
我哋幫你分清邊間、邊個時限、缺咩文件，協助你填表、遞交、追進度。賠償由承保公司審批同支付，唔經我哋戶口。
WhatsApp 通知我哋 →或者電郵 claims@looperin.com · 打電話 2633 6813
常見問題
延伸閱讀
備註
本頁資料只供一般參考。實際保障範圍、呈報時限及不保事項，一律以你嘅保單條款及附表為準。如條款與本頁有任何差異，以保單為準。
索償是否受保、賠償金額及支付安排，由承保公司按保單條款決定。Looper Insurance Agency Limited 智環保險代理有限公司為香港保險業監管局持牌保險代理（牌照號碼 GA1034），提供索償協助服務。
法定呈報時限引述自《僱員補償條例》（第 282 章）及香港勞工處表格 2 指引。法例如有修訂，以官方公布為準。呈報勞工處係僱主嘅法定責任，唔可以由保險公司或代理代替履行。
← 睇其他險種嘅索償指引